الكشتــــــــــ والبـر ـــــــــــــات

اول شي راح ابدأ بصور
اكلات البر والكشتات

قبل لا ابدأ بالموضوع راح اعزمكم على فنجال قهوة اول واسمعكم بيتين





لا ضاق صدري رحت للبر حطاب ـــــــــــــــــــــــــــ وشبيت ناري في صحاري خلاها
وسط الفياض اللي بها أزهار وأعشاب ــــــــــــــــ ريح الخزامى فايح(ن) في مساها
استرجع الذكرى على رأس مرقاب ــــــــــــــــــــــ وأرسم لقلبي صورة(ن) ما نساها
دنياك تلبس لك عبايه وجلباب ــــــــــــــــــــــــــــــ وتخفي غدر سود الليال وجفاها
شفت القمر يوم اكتمل صار جذاب ــــــــــــــــــــــ نور ليال(ن) مظلمه في سماها
ترى العمر مثل القمر طل ثم غاب ـــــــــــــــــــــ أغنم حياتك لا تكدر صفاها
حافظ على الطاعه قبل يقفل الباب ــــــــــــــــــــ ثم يتبين صحها من خطاها
اليوم فعل الطيب راعيه ما خاب ــــــــــــــــــــــ عند الرجال اللي بعيد(ن) مداها
الطيب يبقى يا فتى الجود لو شاب ـــــــــــــــــــــ في شجرة(ن) سيل المكارم سقاها
والبيت ما يبنى بلا أوتاد وأطناب ـــــــــــــــــــــــ ومن لا بنى يسكن مذاري هواها





اول شي عمل القهوه في البر

يامحلا الفنجال مع سيحة البال
في مجلساً مافيه نفساً ثقيلـه
هذا ولدعمً وهذا ولـد خـال
وهذا رفيقـاً مالقينـا مثيلـه








سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله





يابجاد شب النار وادن الدلالـي
واحمس لنا يابجاد ما يقعد الراس



وبسم الله نبدأ :

الصورة الأولى عرض الأدوات المطلوبة لإعداد القهوة :




في الصورة الثانية تضع كمية بيالة واحدة من القهوة النية في المحماسة لإعداد دلة واحدة ،، وتضع المحماسة على الجمر
(( إحذر كل الحذر أن تضعها على لهب النار لأنه يؤدي لاحتراق القهوة بدون استوائها ))
ثم تبدأ بالتقليب بحيث تكون المحماسة بوضع مائل وترفع القهوة للأعلى ثم تلقائيا تنزل للأسفل ليتم تقليب القهوة بشكل متساوٍ كما في الصورة حتى يتحول اللون إلى البني الغامق :







وبعد الانتهاء من حمس القهوة يتم وضعها في المبرّد لأنه لايمكن طحنها حارة كما في الصورة






وفي الصورة التالية وبعد أن تبرد القهوة تماماً توضع بالنجر ليتم طحنها قدر المستطاع :





وبعد طحنها بالنجر توضع على الماء المغلي في الملقمة ثم توضع على نار هادئة مع التأكد أنها تتقلب بشكل يسعد العين ولمدة من 7 إلى 10 دقائق على الأقل :








وبعد ذلك تبعد الملقمة وتوضع خارج النار وليس بعيداً لكي لاتبرد ولمدة من 3 إلى 5 دقائق للتصفية وفي هذا الوقت يتم دق الهيل ( طحنه ) في النجر بمقدار فنجال واحد أو أقل أو أكثر حسب الرغبة ثم وضعه في الدلة ،، ويتم بعد ذلك زل القهوة من الملقمة إلى الدلة لكن بشرط الركادة ( عدم رج الملقمة ) حتى لاتتعكر الصفاوة المتعوب عليها كما في الصورة







ثم توضع الدلة على النار حتى تتقلب لمرة أو مرتين ( من أجل التسخين فقط ) كما في الصورة






وقرّب القدوع وبألف عافية ومن هالطريقة تأكد إن وجهك أبيض عند الرجال ..والحريم بعد

وبعدين تكون قد جهزت من قبل الله يعزكم تراب مع مويه مثل الخلطه وترصه زين على الخياش والاماكن اللي يطلع

منها دخان , ويبيلك تحط فوق القدر بلكه او حصاه وتحط حولها جمر افضل










بعد كذا ريح ودق سواليف مع ربعك واظرب من الشاهي لمدة ساعة ونصف الى ساعتين الا ربع

يكون باذن الله اللحم نجح وجاهز لكن انتبه لازم تنظف التراب اللي حطيته والخياش تنشال

او تخليها مطرفة بعيد عن اللحم






ثم اعزل اللحم في صحن او تبي تحطه على الرز مباشرة اذا كان جاهز على فكرة الرز ماله طريقه معينة ويفضل

انه رز ابيض بس مهوب الابيض حق الجاوه اللي مافيه الا رز وملح لا لكن تفننو في طبخه







الآن حياكم الله على عشاكم وسامحونا على القصور



وان شاء الله انها تعجبكم ...وعلى فكرة مو شرط انك تحط مرخ لو وجدت بشام تراه افضل واطعم خاصة اذا كان اخضر وجديد .... واتمنى انها جازت لكم .. بس معليش مافيه بيبسي


وووووبس

طبخة ( مدفونة القصدير ) بالصور .. لا تفوتك

الســـلام عليكـــــم ورحمة الله وبركاته


شفت لكم هالموضوع للنـاس إللي يطلعون البر


صراحه ماعليه كلاااااام والصور تتكلم مثل مايقولون



تفضلــــــــــــــ ـــــــــــــــــــــوا



المقادير :

الخضار حسب الرغبة ممكن بدون خضار او بصل فقط اهم شي بدون طماطم

يفرد الخضار على القصدير وفوقة اللحم على الشكل التالي:







يلف علية ثلاث طبقات قصدير محكمة الاغلاق




بعد ذلك يوضع القصدير في الملة وفوقة الجمر



بعد ربع ساعة تقريبا ينتفخ القصدير ويبدا ينسم بالشكل التالي



بعد 45 دقيقة تطلع القصدير
ملاحظة تحتاج خمس دقايق علشان تطلع القصدير وتنظفة
عملية قيصرية لفتح القصدير





الآن بالهناء والعافية

سموا الله يحيكم

[size=16]ياولد قرب الخبز
















وطبعا بعد ذي الاكلة يبيلها كوب شاي مصلـّح على الحطب

يسلموووو