الديوان الشعري للشاعر ناصر بن محمد بن ناصر بن سعود ال خلف العريفي

السلام عليكم ورحمة الله وبركاته
7
7
الديوان الشعري للشاعر ناصر بن محمد بن ناصر بن سعود ال خلف العريفي
الخالدي له قصايد كثيرة ولها مناسباتها الجميلة والمعبره ومن لا يعرف شاعرنا يحسب انه شاعر ( مقل) الا انه على النقيض من ذلك فهو لديه الحس الشعري في المناسبات المعبره ومنها المراثي في والدته ووالده وشقيقته رحمهم الله بالاضافة الى رثائه للكثير من اقاربه من الجماعة رحمهم الله وبالاضافة الى بعض المناسبات الاجتماعية ... كما ان الشاعر ناصر يعد شاعر رد من الطراز الاول وله صولات وجولات حرث فيها ملاعب الرد وطولا وعرضا واعتلى منصاتها في ايام خلت ولكن بقي شعره خالدا ... وليت احد الاخوان يزودنا بما لديه من قصايد فقصايده دايما معبرة وجدانيا وحسيا ...

طلبت وجبت
مرثية ناصر بن محمد ابو مالك في سعود المفيقيع :





لا عاد علم جاني اليوم مردود
خبر وفاة سعود كدر منامي
يا سعود سلم لي على ابوي يا سعود
مني على قبره وقبرك سلامي
سلام مني عد ما هبت النود
وإعداد مالاحت بروق الغمامي
يالله عسى مسكانكم جنه إخلود
عند النبي مسكانكم بالدوامي
عسا لكم قصر مشييد ومشدود
في جنه الفردوس الاعلى مقامي
في جنة فيها تهنون بركود
فيها بنات الحور مثل الحمامي
في روضة فيها بساتين وورود
فيها ثمر تين وزيتون شامي
يا سعود خلفتو رجاجيل واسود
على مماشيكم مشو بالتمامي
ولدك عبدالله فلا عنه منشود
تراه صقر في سماء الجو حامي
وإخوانه الثانيين وافين العهود
ترى عيالك لي عيال العمامي
وإخوانك أعمامي هل المجد والجود
اهل المروه والرجال الكرامي
حاضر لقيته ساعة الضيق ماجود
مني له التقدير والاحترامي
له ماقف معنا جزيل ومحمود
له ماقف خفف علينا الالامي
حاضر محله لرجاجيل مقصود
تراه منصا للرجال الحشامي
صلاة ربي عد ما يربض العود
على نبي ما مشا بالحرامي





وبعد هذي





في شهر ذي القعده بيوم الربوعـي
سبعة عشر في عام خمسه وعشرين
ديسمبـر الكانـون الاول تبوعـي
الفين واربعه يوم تسعه وعشريـن
مصيبـة جتنـا خبرهـا يلـوعـي
صارت علينا كلنـا والخبـر شيـن
شين الخبر جاء طعنه في ضلوعـي
كن الخناجر في ضلوعـي بحديـن
احر مـن جمـر شـراره لذوعـي
احد من جملـة جميـع السكاكيـن
روحت مشاعل ما بعدهـا رجوعـي
ماتت وهي في سن اربع وعشريـن
عاشت تعاني من مرضها الوجوعي
يكسر لها الخاطر وتدمع لها العيـن
عادة مرضها كـل شهـر سبوعـي
بيـن التشنـج والام والتوانـيـن
ان جت لها الحاله طرحها صروعي
وان راحت الحاله طلع طبعها زيـن
واللي قراها قـال سحـر يروعـي
عيا يعاهد لـه خبيـث الشياطيـن
ليت الشقيقه فـي حيـاة المتوعـي
وانا على قبري تـراب وحصاتيـن
قد قلتها في ابـوي وانـا قنوعـي
الموت ما ستثنى ملـوك وسلاطيـن
واقـول ماللمـوت عـذر شفوعـي
وقد قلت ماللمـوت قيمـه وتثميـن
واقول يا بنت الشرف والطبوعـي
طبيعـة الاجـواد الصـدق والديـن
حنا اخوانك وابشـري بالفزوعـي
حنـا وكـل عيالـنـا مستعـديـن
ماني على مـال اليتيمـه طموعـي
تـرى نصيبـك مسجـد للمصليـن
واقول يـا قلـب عليهـا جزوعـي
ادعـو لهـا بالمغفـره يالمسلميـن


.


الدار تبعد ألف كيلو عن الدار
واللي طلب نقله تعذر نقيله
اليوم ابنخا واحد فيه الأنظار
هو بركات اللي علومه جميله
عميد ابو خالد فهد عنك معذار
مافيه غيرك واحد نشتكي له
ان شلت حملي فأنت للحمل قدّار
تقدر عليها لوها مستحيله
وإن صارت احبالك على حملي اقصار
مأنتب جناحي والجناحي يشيله
ترى الجناحي له مع الناس مقدار
شيخ من اشيوخ العرب والقبيله
تراه من ناس على شبة النار
قاد السمين أولا يقود الهزيله
حنا بني خالد ليا صار ما صار
نرقاء على روس العلا والطويله
حنا بني خالد هل المجد والكار
اللي يشيلون الحمول الثقيله
حنا بني خالد من الناس الاخيار
أهل الخصال الوافيه والفضيله
على بني خالد عدد وبل الامطار
سلام مني عد وبل المخيله
صلو على المختار في كل الاقطار
اللي أمر بفروضنا والنفيله


.




لقيت في جسر المحبه كرونا
خجماً تلاوح حرجهٍ مالها انفاس
جينا نشوف إوقال ماتشترونا
أربعة آلاف ونصف من دون كمياس
قلنا شرينا وإحذرو تنقضونا
قالو لك الله مانجي درب الانجاس
يوم اشتريناها إجحدو وانكرونا
قال استخرنا واصبح البيع منحاس
شاف الشريطي يحسب أنه زبونا
أفلس من الثنتين يا مال الافلاس
قال الشريطي لو لها تجلبونا
مايشتريها واحد عنده احساس
لو حرجو بالسوق في المقرفونا
ماهقوتي تسوا ولا إريال قرطاس
الموتر الخربان ما يرغبونا
مايوصل المشوار من دون عوكاس
لو سافرو به أعتقد ياقفونا
صار البلابه عوكست فيه الاعكاس
من ركبها صار به حمار العيونا
إصبر دقايق ثم تسمع له اعطاس
إيلا نزل ينزل بريحن عفونا
ريح الغماره في ثيابه له اخياس
جسر المحبه ويش لو تعلمونا
هي ورشهٍ جدرانها مالهاس
أصحابها با الصنع مايحسنونا
مسكين ياواثق من الناس الانجاس
ياأهل الورش بالاسم لاتدعونا
ترى الذهب بالسوق ماغش بنحاس
سراقه الاسماء بها ينصبونا
ماكل طير قيل ذا طير قرناس
من خالط الانذال مايفلحونا
قدام تاصل للشنبات الامواس
الرابح اللي ماهدته الديونا
يمشي ستير الحال عن حاجة الناس
صلاة ربي عد وبل المزونا
على نبيٍ للرداء مابعد داس


.
هذه الأبيات للشاعر ناصر بن محمد بن ناصر ابو مالك العريفي في عمه سعد بن عبد الله الطيار رحمه الله الذي كان احد وجهاء وأعيان محافظة القويعية والذي انتقل إلى رحمة الله تعالى وهو ممن يحظى بسمعة طيبة وأخلاق حميدة طيلة حياته .....




عشرة شهر واحد وفي يوم الأثنيـن
سبعة من اللفين بعض الموديـلات
تاريخها هجـري بكـل القوانيـن
وانا على الميلاد قارنـت الأبيـات
مصيبة جتنا وجـاء علمهـا شيـن
قالو لي الطيار عمك سعـد مـات
علم على قلبي سهـوم أو طواعيـن
كنه على قلبـي مساميـر بتـات
مدري على قلبي كما حـد سكيـن
مدري لطمني بالسيوف الرهيفـات
عليك ياعمي سعـد هلـت العيـن
على فراقك هلـت العيـن عبـرات
ابكي ويبكيـك الأهـل والقريبيـن
وعيالك اللي معك في كل الوقـات
عيالك اللي مـع مماشيـك ماشيـن
على مسارك بالخطـى والمسافـات
ترى عيالك مـن رجـال مياميـن
اللي لهم بيـن الجماعـة مقامـات
اللي على درب الشرف مستقيميـن
ما منهم اللي فيـه لفـة وختـات
وانته من شيوخ الرجال العريبيـن
اللي منازلهـم منـازل رفيعـات
يا راعي الإحسان والمجـد والديـن
راعي الشهامة والكرم والمـروات
يا معطي ضعوف العرب والمساكين
يا زايد المحتاج من كـل خيـرات
اللي فعلته في حياتك تـرى زيـن
ما عذربوك اهل الدنس والشماتـات
لـو تنفـدا نفـداك ياعـم عجليـن
لكن ما للمـوت قيمـة وحيـلات
الموت ماستثنى النبـي والسلاطيـن
ولا سمح للواسطة بيـن الأمـوات
على حسابك يـوم كـل الموازيـن
فيه الفرايض والحسانـي كثيـرات
عساك في الجنة مع اللـي مقيميـن
فيها بنات الحور عنـدك مقيمـات
في جنـة فيهـا جميـع البساتيـن
والفاكهة من كل الأنـواع عذبـات
واختامها علـى محمـد مصليـن
اعداد ما لاحت بـروق المخيـلات


.




قريت خط بالوفا مرسل لي
من واحد مضمون خطه نصاني
يا مرحبا به عد وبل يهلي
وعداد ما تظهر السيل اليماني
قولو لأبو سامي خطابه وصلي
فهمت مضمونه عيان بياني
لكن والله مامعي فيه حلي
الا الدعاء له في نعيم الجناني
اخوك مات وخاطره مسفهلي
كلٍ ترحمله طوال الزماني
من حسن خلقه بالخطاء ما يزلي
صلى الفروض وصام شهر رمضان
لا تبكي الا واحدٍ ما يصلي
لياك تبكي واحدٍ له حساني
أقول لك عن كل حزن يسلي
ذكر الولي الواحد الرحمنٍ
إن زادت همومك على كل حلي
تدن دلة هيل بالزعفرانتي
واعرف ترا الدنيا وأهلها تولي
والموت شامل يالله المستعان
كم واحد قد تله الموت تلي
من بين ربعه والأهل والعواني
وإن كان رديت الشعر موفي لي
خل الشعر للي يجر الغواني
ماهوب مردود الشعر مقصد لي
قصدي أخفف عنك بعض الحزاني
لو كان مردود الشعر غاية لي
لقيت رسمي مع فلان وفلاني


.قصيده لشاعر ناصر ابو مالك العريفي





1 لقيت في بنـده غـزال ظريفـي
اطريت له ريم الصحارى وجالي
2 قلـن سـلام يالغـزال اللطيفـي
رد السلام وقـال مالـك ومالـي
3 قالت تراك اظن عقلـك خفيفـي
مالك ومال الناس يابـن الحلالـي
4 قالت اه قلبي منك يلهـف لهيفـي
من نظرتك قلبي لهف يالغزالـي
5 شفت العيون وشفت زوال نظيفي
واصبحت انا من كامل العقل خالي
6 قالت تشجع اي نـادي شريفـي
قلت الهلال اليـوم مالـه مثالـي
7 ترى الهلال اليوم ماله وصيفـي
النادي الي وصل لروس العلالـي
8 تقـول دور غيرنـا يالعريـفـي
مايجتمع اهـلاوي مـع اهلالـي


.




طرى لي الطاري على المسراح
ان ماسريـت لمزعـل الليلـه
ودي اعرف من انت ياسـداح
ارسل لك من الـورد تشكيلـه
عسى حياتك في هنـا وافـراح
مـا بيـن تقبيلـه وتدليـلـه
كفـاك ربـك علـة الشفـاح
الـي لياجـت مابهـا حيلـه
وش علة من صابته ما ارتاح
صالـة عليـه العدلـه الميلـه
ماجا لها هيكـل ولا مصبـاح
ولا لهـا وزنـه ولا كيـلـه
ولا لهـا قفـل ولا مفـتـاح
ولا لهـا لولـب ولا تيـلـه
اليا رمت ترمي بدون سـلاح
من صابته ينقال عـزي لـه
ماظني يسلم لو يصيح صيـاح
والا لقى شخص يشكـوي لـه
ما تعرض العله على الجـراح
ولا لها فـي الطـب تحليلـه
دخلت في الفندق معي مسبـاح
لا بـارك الله فيـه ووتيـلـه
ياطول ليلي كان سـدي بـاح
معاد لي في الصبـر تحميلـه
شفت البنات الي عليها وشـاح
والي عليهـا ترنـق تكميلـه
تستاهليـن الخـوخ والتـفـاح
يلَي عليـك البشـت والشيلـه
ياليتني لـك صاحـب مـزاح
اخذ معـك غطـه وتعسيلـه
اليـوم ياسـداح كـلـش راح
والعلـم قفضـنـا معاميـلـه
ولا نبي مكسب من الاربـاح
يالله عسى في الأمـر تسهيلـه
العام انـا خيلـت بـرق لاح
واليوم اصـدد عـن مهاليلـه
كم واحد قـد استقـام وطـاح
دايم وهو جالس علـى حيلـه
وكم واحد على زمانـه نـاح
عمره قضى وايدينـه بخيلـه


.


تجدد حزوني وأمسح الدمع بالمنديل
مسحته ولكنه على وجنتيني بان
على واحد في صفحة المجد له تسجيل
مشى بالمراجل والمروات والاحسان
شجاع شريف طيبٍ وافيٍ بالكيل
حكيمٍ فهيمٍ عالي المستوى والشان
كريمٍ يبهر دلته زعفران وهيل
وله سفرةٍ مفروشةٍ دوم للضيفان
محله على وضح النقى مثل نجم سهيل
ليا شافه المبصر عطا وصفة العميان
تبين الكرامة في جبينه بلا دربيل
عسى جنة الفردوس له دايم مسكان
محمد سعد عصمان له وافي التبجيل
عسى جنة الفردوس مثوى لأبن عصمان
عسى الله يفكه من عذاب القبر والويل
اعزيك يا عصمان وأرجيله الغفران
ترا أبوك يا عصمان جا له فعول وقيل
وله كلمة تثبت على كفة الميزان
إلى قال بعض الناس قول بلا دليل
يراهن على الكسبان والا على الخسران
على أبوك يا عصمان ما ابي تصر بخيل
ترا أبوك علق شارة المجد له عنوان
تصدق لأبوك وضح له من كبار الحيل
تخير خروفٍ طيبٍ من سمان الضان
وشف ربعه الغالين عايش وأبو خليل
وحاضر وإبن حاضر وملهي وإبن جفران
وشف سعد ابن ناصر وعبد العزيز الغيل
وأبو خالد دعيرم وأبو فيصل سليمان
وباقي الجماعة والدك عزهم بالحيل
هل الجود والأمجاد والشان والنيشان
وخلك مع اخوانك ثقال الحمول تشيل
وبلغ سلامٍ من ضميري على العمان
وبلغ سلامي واحد في العمل حلحيل
على أخوك فيصل عد ما هلت الأمزان
أنا يوم جيته في المواجيب شد الحيل
فزع فزعةٍ ما جا على فعلها منان
ترا فزعته في المختبر جا لها تحليل
طلع في الكونتر فيصل الذيب ابن سرحان
وصلوا على محمد عدد ما يسيل السيل
أمر بالفروض الخمس والصوم في رمضان


.
قصيدة جديده لشاعر الوجدان / ناصر بن محمد ابومالك العريفي




من شاعر الوجدان للـي مسميـهشكر وتحيـه واحتـرام وتبجيـل
والله مايلحقـه منـي مشـاريـهولا يجيه مـن الملامـات تذليـل
وأنا مع الي أفتخر وأنتخـي فيـهأنا ولد راعـي الكـرم والفناجيـل
أنا ولـد شيـخ لياحـل طاريـهيثني على فعله شيـوخ الرجاجيـل
أخوي عبـدالله عسـى الله يخليـهعضيدي اللي للصعيبـات حلحيـل
وبو خليل الجود والطيب معطيـهله بصمة من بصمة البن والهيـل
باقي الخوان اصغار والكل نغليـهيالله عساهم في طريـق التساهيـل
كل الجماعـة للمراجـل مواجيـهلاكن أخص الـي أبـي بتفاصيـل
أمير مزعل جعل ربـي يعافيـهلزيارة المرضـان ممنـه تأجيـل
ونا لقيت أربـع بنـات منازيـهفي الصيدليـة يشتـرون التحاليـل
قلت السـلام ردلـي خالـد البيـهملقوف مدري من فصيلة مهابيـل
سلام مني لدعـج العيـن مهديـهأعداد مالاحت بـروق المخاييـل
قالوا سعـودي قلـت لبيـه لبيـهثم أرمشت لي بالعيون المضاليـل
قالوا تقول الشعر في الزين قلت ايهقالوا عسانا من قصيدك لنـا قيـل
قلت القصيد الـي تحبـون مابيـهأنتـم تبونـه إبتـدوا بالتساجيـل
قالوا لقيته قلـت مانيـب لاقيـهوليا لقيته ويـن احـط المعاميـل
قالوا تبيعه قلت مابيعـه اشريـهون كانوا بعتوا لي نظر في التماثيل
قالوا وش الي كـل يـوم تسويـهقلت امسح ادموعي ببعض المناديل
قالوا نشوف الشيب بك صار تشويهقلت أصبروا بكره ويشملكم السيـل
قالوا وش اللي ماتريهـد وتبغيـهقلت الحقيقة راح جيلٍ وراء جيـل
المـوت حـق وكلنـا ماندانيـهولا كتب في اللوح للموت تعديـل



هذه قصيدة ناصر ابومالك العريفي الخالدي يمدح فيها السكس ويسب القلاب





صار العوض بالسكس يابـوي قـلاب
صار العوض عقب المعـزه اعقوبـه
لاكن وسـط القلـب يابـوي ملسـاب
الا ذكرت السقـس واللـي مشـو بـه
من عقب حمل القار حملت انا اتـراب
حمـل المعـزه تاركيـن ادروبــه
من عقب فرقا السكس فارقت الاصحاب
يـوم ان عدوانـي لسـدي دروبــه
من شار به جعله عطيبـات الاسبـاب
فـي ليلـة الجمعـه لسجنـه سروبـه
ينطل بسجن مادرور عنـه الاقـراب
لادار سـت سنيـن هـم خبـرو بـه
جعلـه لخـزي طايـح فيـه مهـاب
واللي حضر خزيه صبـاح اشهدوبـه
هذا جزاء اللي بالقفاء جـاب الاكـذاب
لاناب بـن عمـه ولانـاب صوبـه
واللي شرى القلاب حظه تـرى خـاب
دايم يشيـل اتـراب فـي ردن ثوبـه
يالله ياجايـب دعـا كـل طــلاب
مـن علـة القـلاب فكـك انشـوبـه




قصيدة ناصر ابومالك العريفي في الشيخ حاضر العريفي الله يرحمه ويغفر له




يوم الربوع العصر خذت الجريـدة
لقيت فيها بإسـم حاضـر يعـزون
يالله عسى الرحمة تجي من رصيده
عساه بالجنة من اللـي يفـوزون
يعيش في الفردوس عيشة سعيـدة
يختار له فيها من الحور مزيـون
في جنة يطلـب بهـا مـا يريـده
ما تشتهي نفسـه لنفسـه يجيبـون
حاضـر علينـا يالعرافـا فقيـدة
حاضر توفى يرحمه خالق الكـون
راعي الخصال الطيبة والحميـدة
اللي لطاروق الكرامـات مفتـون
رجل المكارم في الظروف الشديدة
يفرح بكل اللي عليهـم يضيفـون
وأنـا لقيتـه والخواطـر نكيـدة
موجود وعيالـه وربعـه يهلـون
له فزعـة معنـا تقـص الحديـدة
تفرج على قلب مصاب ومحـزون
مرحوم يـا شيـخ فعولـه عديـدة
ياليت حاضر حي ماهوب مدفـون
عيال حاضر كـل منهـم وليـدة
على مسار الشيخ ابوهم يسيـرون
ولـده عبـد الله وخالـد عضيـده
الله يساعدهم علـى مـا يسـوون
وأخوهـم محمـد فعولـه سديـدة
يمشي مع اخوانه على ما يحبـون
باقـي عيالـه بالعلـوم الوكيـدة
على طواريق الكرم مـا يشحـون
الكـل منهـم مـا تجيـه النقيـدة
بالمرجلة والجود والمجد يمشـون
صلوا علـى مـن دلنـا للعقيـدة
اعداد من جو في الحرم بيحجـون